Thursday, April 19, 2007

Ikaluktutiamiunun - Ukautihi Ilitugipkainagiakaktakhi!

Ilihimayafinga pulalikpaktunga Ikalukpialungmun kangagaluk malguukni ukiuni. Uvamnik havaliktunga hadja ihivgiugutihanik, makpigahamik uktuktilunga atikaktumik PhD Nunam Kulanitunik Havakhainik ilihaktunga Ilihakvikyuami Calgary -mi, ihivgiukpakhugit nunamiutanin ihumayutainik pulakpaknikkut talvani, uvani Churchill -milu uvanilu Mitimatallikmilu. Iliugakhugitlu kagitauyami pulakvikhamiklu talvuna amigaigahuakhugit ukakublugitlu ihumagivaktainik inuinainun nalvakpaktamnik ihivgiugutimnin. Pulakniaktunga Ikaluktutiakmun 17th – 23rd May 2007, ukakatigiumayatka amihunik inuinainun kitkununlunin, kihimi tamatkilimaitatka tamaita, tohamuna tautukniaktahi kanuginiaktunik inigutimnunlu, uvunalutauk Ukautihi Ilitugipkainagiakaktakhi!

Tautuknahipkaktatka ilangit ihivgiugutimnin nalvakpaktamnik. Ukautihi ilitugipkaiyumagufiuk, Ukagumagufilunin, angigufiuklunin kingiyutikagufilunin, ihumagiyafi naunaiyakluhiuk nakilugu uminga atikaktumik 'ukautihanik' inikviani tamaini tautuknaktuhani'. Ukautihaknik atihi tuhapkagumangitkufiuk naunaiyakluhiuk nakitanik nakilugu. Avalitumik tuhanaitumik ilitugipkaiyumagungma, kagitauyamitunga uvani ejstewar@ucalgary.ca.

Tuhayumakpiaktafi kanuk ihumagiyafingnik naunaitkutihanun atukniakat nunafingni talvuna pulaktikakpakumaktuhi Ikaluktutiamun. Tuyukpakluhiuk kanuk ihumagivaktafingnik!Adlaninlu pulaktinun ukautainik tuhayumayungalu, kihimi pulaktiuguvit naunaiyakluhiuk naunaiyakviani. Kuanakpiakuhi Kunakpiakuhi ukautivakakngmalu ilakatauvakafilu havakhamnunlu!

No comments: